Потребно:
За плескавиците:
- 4 големи компири
- 2 раце (или коцки) замрзнат спанаќ (одмрзнете и исцедете)
- 100 г сирење (фета, урда или било кое сирење по ваш избор)
- 1 кромид
- 2 чешниња лук
- 3 лажици скроб
- 40 г стар леб (ситно издробен) за смесата + плус уште за валкање на плескавиците
- Сол, бибер, црвена пиперка (слатка или лута)
- Лажица путер (за спанаќот)
- Масло за пржење
За сосот:
- 2 лажици грчки јогурт
- 1 лажица мајонез
- 1 чешне лук (изгмечено)
- Сол и бибер по вкус
Подготовка: Сварете ги компирите, излупете ги и изгмечете ги додека се уште топли. Оставете ги да се изладат. На малку путер пропржете го ситно исечканиот кромид и лук, додадете го спанаќот и пржете додека не испари вишокот течност. Оладете. Измешајте ги компирите со скробот, зачините и издробениотстар леб. Додадете го издробеното сирење во изладениот спанаќ и измешајте. Земете малку тесто од компири, обликувајте го во плескавица со дланките, ставете една лажичка фил во средината, затворете го и формирајте полнета плескавица. Пред пржење, валкајте во презла. Пржете на средна температура во тава со малку масло додека не поруменат и не станат крцкави од двете страни. За сосот, измешајте ги сите состојки и оставете да се излади. Добар апетит!
