Потребно:
- 5 компири
- 1/2 пиперка
- 1 чешне лук
- 2 лажици пченкарен скроб
- 2 јајца
- Лебни трошки
- 1/2 китка магдонос
Подготовка: Излупете ги компирите и исечете ги на коцки, па ставете ги да се арат. Во тава пропржете ја ситно сечканата пиперка и целото чешне лук. Кога пиперката ќе омекне, извадете го лукот од тавата, а сварените компири процедете ги. Изгмечете ги компирите, па додадете ја пиперката, сол и бибер. Додадете го скробот и сè добро измешајте. Завиткајте ги компирите во хартија за печење и ставете во фрижидер половина час. Формирајте подебел ролат и исечете на кругови. Во еден сад изматете ги јајцата, а во друг ставете ја презлата со сечканиот магдонос. Пирето потопете го во јајца, па во презла и потоа пржете во загреано масло. Извадете ги крокетите на хартиена крпа за да се исцеди вишокот маснотии. Добар апетит!
