Потребно:
- 2 тиквици
- 1 пиперка
- 250гр мелено месо
- 1 кромид
- 2 чешниња лук
- 100мл пасиран домат
- 2 лажици масло
- Сол
- Оригано
- Црн бибер
Подготовка: Тавчето во кое ќе го печете јадењето премачкајте го со малку зејтин. Тиквичките исечете ги на половина и направете им вдлабнатини, а извадената внатрешност ситно исечкајте ја. Кромидот и лукот исечкајте ги и кусо пропржете ги на масло, па додадете го меленото месо. Потоа додадете ја пиперката, средината од тиквичките и се заедно пржете неколку минути. Додадете го пасираниот домат, зачините и оставете се заедно да се динствува 3-4 минути. Со смесата полнете ги тиквичките и ставете да се печат во загреана рерна на 200 степени, околу 25 минути. Добар апетит!
