Потребно:
За кората:
- 150 гр брашно
- 1/2 лажичка сол
- 1 лажичка прашок за печиво
- 200 гр варен сечкан спанаќ
- 200 мл кисела вода,
- 2 лажици масло
За полнење:
- 200 гр туна
- 100 гр посен мајонез
Подготовка: Спанаќот сварете го и оставете го да се излади. Вклучете ја рерната да се загрее на 200 C. Истурете брашно во поголем сад, додадете сол и прашок за пе;иво, па измешајте. Додадете спанаќ, кисела вода и масло. Добро измешајте ја смесата и истурете ја во поголем плех обложен со хартија за печење. Рамномерно распоредете ја смесата и печете 10-15 минути. Кората е тенка, па брзо е готова. Испечената кора заедно со хартијата виткајте ја во ролат и завиткајте ја во влажна крпа. Оставете да се излади, а во меѓувреме подгответе го филот. Исцедете ја туната од маслото, а потоа помешајте ја со посниот мајонез. Отворете ја кората, нежно одвојте ја од хартијата и распоредете го филот, внимавајќи да не отиде до работ, да не истече филот. Повторно свиткајте ја во ролат кората со филот и ставете ја во фрижидер најмалку три часа, за убаво да се соединат состојките. Изладениот ролат исечете го на кругови и послужете. Добар апетит!
