Потребно:
- 400 гр грав од конзерва, измиен и исцеден
- 1 лажица масло
- 2 чешниња лук, ситно сечкани
- 1 мал кромид ситно сечкан
- 1 лажица соја сос
- 50 гр семки од сончоглед
- 60 гр овес
- 1 лажичка доматна паста
- 1 лажичка сенф
- 1-2 лажички сув босилек или мајчина душица
- 1 лажичка црвен пипер во прав
- Сол и бибер по вкус
Подготовка: Исплакнете и исцедете гo гравот. Потоа ставете го во сад и грубо изгмечете со гмечалка за компири или со лажица. Загрејте го маслото во тава и пропржете го кромидот 2-3 минути. Потоа додадете го лукот и динствувајте уште една минута. После тоа, додадете ги во садот. Семките од сончоглед сомелете ги ситно во блендер, а потоа додајте ги во сад заедно со овес, доматна паста, сенф, билки и пипер во прав. Измешајте сè и зачинете со сол и бибер по вкус. Потоа формирајте околу 12 топчиња од смесата со грав. Во голема тава загрејте го преостанатото масло и пржете ги ќофтињата од грав додека не станат крцкави од сите страни. Послужете ги со зелена салата или со доматен сос по желба. Добар апетит!
