Потребно:
- 50 гр суви сливи
- 50 гр суви смокви
- 50 гр урми
- 50 гр кора од портокал
- 50 гр суво грозје
- 50 гр ореви
- 50 гр чоколадо
- 140 гр брашно
- 140 гр шеќер
- 4 јајца
Подготовка: Најпрво направете мешавина од сувите исечкани сливи, смокви, урми, кора од портокал, суво грозје, ореви и чоколадо, а по желба можете да додадете и друго овошје. Овошјето посипете го со брашно и оставете го на страна. Одвојте ги жолчките од белките, а потоа измешајте ги жолчките со шеќерот, а белките изматете ги во снег. Добро измешајте ја смесата со брашно и овошје, снег и жолчки со шеќер и ставете во калап. Печете еден час на 180 степени, а потоа оставете да се олади. Ова е колач кој се сече по неколку дена, а може да стои подолго време. Добар апетит!
