Потребно:
- 200 гр кинеска зелка
- 300 гр шунка
- 150 гр рендан моркови
- 3-4 варени јајца
- 1 конзерва пченка (250-300 гр)
- 150 гр сирење
- Сол по вкус
- 200 гр мајонез
Подготовка: Подвижниот раб ставете го на основата, па распоредете ја исечканата зелка како прв слој од празничната салата. Ставете го мајонезот во шприц за колачи или перфорирана кеса за замрзнување, а потоа прелијте ја зелката со малку мајонез и измешајте. Како втор слој од празничната салата распоредете ја шунката исечкана на коцки. Со помош на шприцот повторно нанесете мајонез, па како трет слој од празничната салата распоредете го ренданиот морков. Повторно покријте со мајонез, па распоредете ги ренданите јајца. Посолете по вкус, па прелијте со мајонезот. Распоредете ја пченката рамномерно, повторно покријте со мајонез, па посипете со ренданото сирење. Од 10-15 зрна пченка направете цветови на салатата, а на средината на цветовите ставете тркалезно парче морков. Декорацијата довршете ја со расцепкани листови зелка. Добар апетит!
