Потребно:
- 250 гр пченкарно брашно
- 150 гр обично брашно
- 2 јајца
- 225 мл полномасно млеко
- 75 мл масло
- 75 гр кисело млеко или павлака
- врзоп млад кромид
- 1 прашок за печиво
- 8 гр шеќер
- 10 гр сол
Подготовка: Прво измешајте го пченкарното брашно со млекото и оставете да отстои 30 минути, потоа додадете ја павлаката и јајцата. Додадете прашок за печиво, шеќер и сол, а потоа додадете го маслото. Сè добро измешајте, а потоа додадете го обичното брашно. Во смесата додадете го сечканиот млад кромид и сè добро измешајте. Подгответе плех за печење, обложете го со хартија и напрскајте го со масло. Истурете ја смесата во подготвениот плех, рамномерно распоредувајќи ја со шпатула. По желба може одозгора да наросите сирење или кашкавал. Печете околу 30-35 минути на 180 степени. Добар апетит!
