Потребно:
- 500гр карфиол
- 1 лажица интегрално брашно
- 1 јајце
- Мало парче телешко месо
- 100мл пасиран домат
- 125гр моцарела
Подготовка: Ставате карфиолот да се вари (само цветовите) додека не омекне. Кога ќе се свари, извадете го, добро исцедете го и изгмечете го во цедалка за да излезе целата вода. Квалитетот на тестото ќе зависи од неговата сувост. Во мало тенџере ставете вода и оставете телешкото да се свари и загрејте ја рерната на 200 степени. Во исцедениот карфиол додадете една лажица брашно, едно јајце и половина од ренданата моцарела (или искинете ја на ситни парчиња) и добро измешајте ги сите состојки. На плех ставете хартија и на неа ставете ја смесата од карфиол. Со лажица обликувајте го тестото за пица. Ставете ја во рерна и печете 20 минути. Во чаша измешајте го пасираниот домат со малку вода и прелијте го врз печеното тесто од карфиол. Кога ќе се свари телешкото, извадете го од тенџере и искинете го исто како и остатокот од моцарелата и премачкајте го врз доматите. По желба можете да додадете и други состојки, како и оригано. Печете на 200 степени уште десет минути. Добар апетит!
