Потребно:
За тестото:
- 500 гр. брашно
- 20 гр. квасец
- 2 лажички шеќер
- 1 лажичка сол
- 250 мл млеко
- 50 мл вода
- 6 лажици масло
И уште:
- 1 жолчка од јајце
Подготовка: Ставете 50 мл млака вода во сад, додадете квасец и шеќер. Промешајте и оставете 5-10 минути за да се активира. Ставете брашно и сол во голем сад. Промешајте и додадете го активираниот квасец, млакото млеко и маслото. Замесете го тестото – прво со лажица или миксер, потоа рачно додека не стане мазно и еластично (околу 8-10 минути). Покријте го тестото со крпа и оставете го на топло место да нарасне 45-60 минути, додека не се дуплира во волумен. Поделете го тестото на 2 дела. Секој дел развлечете го во круг со дебелина од околу половина сантиметар. Исечете на триаголници, наполнете по желба и заролајте ги кифличките од поширокиот кон потесниот крај. Наредете ги на плех обложен со хартија за печење, покријте ги и оставете ги уште 15-20 минути малку да нараснат. Премачкајте ги кифличките со жолчка од јајце и печете ги во претходно загреана рерна на 180 степени околу 20 минути, додека не добијат златно-кафеава боја. Добар апетит!
