Потребно:
- 200гр темно чоколадо
- 50гр путер
- 200гр брашно
- ½ лажичка прашок за печиво
- 2 јајца
- 100гр шеќер
- 1 ванилин шеќер
- Малку сол
- Рендана кора од портокал (по желба)
- Шеќер во прав за валкање на колачињата
Подготовка: Растопете го чоколадото и путерот на пареа, тргнете го на страна и оставете да се олади. Измешајте го брашното и прашокот за печиво. Со миксер изматете ги јајцата и шеќерот до пенаста структура и измешајте го оладеното чоколадо. Во истата смеса на неколку наврати додадете го брашното, лесно мешајќи се додека не добиете мазна смеса. Садот покријте го со проѕирна фолија и оставете го во фрижидер на два часа, а може и преку ноќ. Пред печење загрејте ја рерната на 180 степени. Тавчето за печење обложете го со хартија. Колачињата формирајте ги така да со лажица вадите малку од смесата која со раце ќе ја формирате во топче. Секое топче извалкајте го во шеќер во прав. Внимавајте на просторот помеѓу секое колаче. Печете ги 11 минути. Добар апетит!
