Потребно:
- 1 кромид
- 2 големи лажици маслиново масло
- 450 гр печурки (исечени)
- 350 гр ориз
- 150 мл суво бело вино
- 1 литар бујон од зеленчук
- 25 гр путер
- 3 лажици пармезан (свежо рендан)
Подготовка: На тивок оган, пржете го ситно исечканиот кромид на маслиново масло додека не омекне и карамелизира. Зголемете го огнот и додадете ги печурките. Почекајте 3-4 минути додека не поруменат малку. Додадете го оризот во тавата и добро измешајте. Додадете го виното и постојано мешајте додека виното не испари на половина. За тоа време полека сварете го бујонот од зеленчук, а во оризот малку по малку додадете од зеленчуковиот бујон. Гответе и мешајте додека течноста не се впие. Продолжете со додавање на бујонот на ист начин со постојано мешање додека не се потроши и не го омекне оризот. Тргнете ја тавата од оган, измешајте ги путерот и пармезанот и послужете ги топли. Добар апетит!
