Потребно:
За тестото:
- 80 гр мед
- 80 гр шеќер
- 100 гр путер (собна температура)
- 3 јајца
- Половина лажичка сода бикарбона
- Прстофат сол
- 200 гр брашно
За филот:
- 3–4 јаболка
- 1-2 лажици шеќер (по вкус)
- 50 гр бобинки
Подготовка: Излупете ги и изрендајте ги јаболката. Измешајте ги со шеќер. Покријте го плехот со хартија за печење. Рамномерно распоредете ги изренданите јаболка и наросете ги бобинките врз нив. Растопете го путерот, медот и шеќерот во тавче, промешајте и оставете да се олади. Додадете ги јајцата, содата бикарбона и солта, а потоа постепено додадете го брашното. Прелијте ја смесата од тесто врз јаболката и бобинките во плехот, израмнете и печете во рерна загреана на 180°C околу 20-25 минути, додека бисквитот не добие златно-кафеава боја. Веднаш откако ќе го извадите од рерна, внимателно превртете го бисквитот на чиста кујнска крпа наросена со шеќер во прав, отстранете ја хартијата за печење и замотајте го додека е сè уште топол. Оставете да се олади, наросете со шеќер во прав и исечете го на парчиња. Добар апетит!
