РЕЦЕПТ НА ДЕНОТ: Салата од цвекло за апетит

Цвеклото е хранлива намирница за децата, бидејќи содржи висок процент на калциум, калиум, па дури и витамин А кои имаат голема улога во здравиот развој на детето. Богато е со растителни валкна, па така едно цвекло со средна големина содржи еден грам влакна. Овој рецепт е прилагоден за деца над 18 месеци, но добро е да знаете дека цвеклото во исхраната на едно бебе може да се воведе помеѓу 8. – 10. месец.

 Потребно:

  • Едно цвекло (средна големина)
  • Половина главица кромид
  • Еден домат (излупен)
  • Чешне лук (иситнет)
  • Еден компир
  • Две црни маслинки
  • Магдонос

За прелив:

  • 1 лажичка јаболков оцет
  • 2 лажички маслиново масло

Подготовка: Цвеклото убаво се мие, му се отсекуваат краевите и се става да се вари во посолена вода што врие, се додека не омекне. Се цеди, и под млаз ладна вода се лупи кората и се сече на коцки. Се вари и компирот и тој се сечка на кругови. Доматот се лупи, се чисти од семките и се сече на коцки. Маслинките исто така се сечкаат. Сите состојки се мешаат, и се прелеваат со претходно измешаниот јаболков оцет, маслиново масло и лукот.

ПОВРЗАНИ НАПИСИПОВЕЌЕ ОД АВТОРОТ