Потребно:
- 250гр тестенини по избор
- 400гр пилешко месо
- 2 раце спанаќ
- 2 свежи пиперки
- 5 шери домати
- Малку виолетова зелка
- 10 маслинки без семки
- 50гр сирење горгонзола
- Маслиново масло
- Сенф
- Оцет
- Сушени зачини по желба
Подготовка: Маринирајте го пилешкото месо во маслиново масло и зачини што ги сакате. Оставете го месото во маринада најмалку 30 минути и пропржете го на грил тавче. Печеното пилешко не го сечете веднаш, оставете го 15 минути на страна да ги впие сите сокови додека не се олади. Во солена вода сварете ги тестенините, исцедете ги и откако ќе се оладат ставете ги во поголем сад. Додадете го спанаќот, исечканите пиперки и домати, па лентите зелка, маслинките без семка, горгонзола сирењето и печеното пилешко. Дресингот подгответе го така што ќе го измешате маслиновото масло со сенфот, оцетот и зачините по желба. Прелијте врз салатата и се убаво измешајте. Ставете ја да отстои во фрижидер, најмалку еден час. Добар апетит!
