Потребно:
- 680 гр крем сирење на собна температура
- 200 гр шеќер
- 20 гр пченкарен скроб
- 1/2 лажичка ситна морска сол
- 2 лажички екстракт од ванила
- 4 големи јајца на собна температура
- 340 гр слатка павлака на собна температура
Подготовка: Загрејте ја рерната на 200 степени и обложете го тркалезниот калап со два големи листови хартија за печење, така што ќе излегува надвор од калапот. Соединете ги крем сирењето, шеќерот, пченкарниот скроб, солта и екстрактот од ванила на собна температура и матете со миксер на мала брзина додека не се изедначи, околу 2-4 минути. Додека миксерот работи на мала брзина, додадете ги јајцата едно по едно, матејќи пред да го додадете следното, околу 30-60 секунди помеѓу секое јајце. Потоа истурете ја павлаката и продолжете со матење додека не се соедини. Истурете ја смесата низ големо сито во подготвениот калап. Неколку пати удрете со калапот на работната површина и ставете го во рерна, па печете 45 минути. Чизкејкот одозгора треба да биде светло до средно кафеав. Оставете го да се излади во калапот најмалку 2 часа на собна температура, а потоа ставете го во фрижидер уште 4-6 часа или преку ноќ пред послужување. Добар апетит!
