Кога сте родител, критериумот според кои бирате рецепти за подготовка на оброци е малку поинаков, зарем не? Всушност, важно е да задоволува еден критериум, а тоа е – дали детето ќе го изеде она што ќе го подготвите? А, кога е во прашање овошна салата, многу е важно токму тој критериум да биде задоволен, бидејќи децата низ свежото овошје примаат и потребни влакна и витамини и почесто им е прифатливо од свежиот зеленчук.
Вие најдобро ги познавате вашите деца и начинот на кој нив овошјето им е примамливо. Затоа, земете овошје што децата го сакаат и секое исечете го на начин што ним им е прифатлив. Овошјето, како јаболки, круши или банани потемнува, па затоа капнете малку лимон. Потоа во сад секое овошје ставете го во своја група, за детето само да може да ја меша овошната салата во своја мала чинија.
За се да биде забавно, може да ги ангажирате на пазар или во продавница, сами да си ги изберат нивните овошни фаворити од кои потоа ќе направите салата.
Пример рецепт:
- 1 слива
- 1 праска
- 1 киви
- 1 јаболко
- 4 јагоди
- 1/2 шолја грозје
- 1/2 шолја боровинки
- Големите плодови исечкајте ги на парчиња со големина на залак. Секое овошје одделно ставете го на чинија или голем сад.
- Оставете го детето да го избере овошјето што сака да го измеша во неговиот сад.
