Потребно:
- 1 пакување шпагети
- 3-4 чешниња лук
- 2 лажици масло за јадење
- 30 гр путер
- 50 гр пармезан
- Сок од еден лимон
- Кора од еден лимон
- 250 мл неутрална павлака
- 1 шолја вода од сварените тестенини
Подготовка: Сварете ги шпагетите според упатството. Додека се варат, подгответе го сосот. На средна температура во тавче ставете да се загрее малку масло и путерот. Кога ќе се растопи путерот додадете го иситнетиот лук и кората од лимон. Оставете се заедно да се пропржи 15 секунди, па додадете го сокот од лимонот. По 10 секунди налејте ја неутралната павлака и посолете по желба. Кога ќе почнат да се создаваат меурчиња, додадете го пармезанот, па ставете ги во сосот сварените шпагети, додадете од водата каде се вареле и убаво измешајте да се спојат состојките. По желба, пред послужување, наросете уште малку пармезан. Добар апетит!
