Потребно:
- 500гр шпагети
- 1 црвен кромид
- 3 чешниња лук
- 300гр кечап
- 300гр шунка
- 200гр моцарела или кашкавал по избор
- Сол
- Оригано
Подготовка: Кромидот ситно се сечка и се динствува на малку масло и вода, додека не добие златна боја. Се додава изгмечениот лук и кечапот. Се остава да врие две до три минути. Шпагетите се варат според упатството, се цедат и се мешаат во кечап сосот. Се посолува и зачинува по вкус. Шпагетите се ставаат во подмачкана тава. Шунката крупно се ренда или се сече на ленти и се меша со шпагетите во тавчето. На крајот се посипуваат со рендан кашкавал или моцарела. Се пече 15 минути на 200 степени.
