Потребно:
- 300 грама шпагети
- 250 гр бурата сирење
- 30 листови босилек
- 4 супени лажици маслиново масло
- 2 чешниња лук
- 1 лажица пармезан
- 2 модри патлиџани
- Сол по вкус
- Бибер по вкус
- Масло
Подготовка: Излупете ги модрите патлиџани, исчистете ги, исечете ги на кришки, а потоа на тенки и долги ленти. Загрејте го маслото на средна температура и додадете ги исечените модри патлиџани. Пропржете ги кратко на длабоко масло додека не добијат златна боја. Извадете ги и ставете ги на хартија за печење за да се впие вишокот маснотии. Во сад ставете го сирењето, босилекот, 2-те лажици маслиново масло, лукот и зачинете со сол и бибер. Со миксер стап измешајте ги состојките за да добиете мазен и густ сос. Во зовриената вода ставете ги шпагетите и варете ги според упатството на пакувањето, а пред да ги исцедите, зачувајте приближно 250 мл од водата во која се варени тестенините. Останатите 2 лажици маслиново масло ставете ги во голема тава на средна температура и додадете ги сварените шпагети. Додадете го сосот од сирење и по потреба додадете вода од тестенините за малку да се разреди сосот. Измешајте ги модрите патлиџани и пармезанот. Сè добро измешајте и тргнете го од оган. Послужете со уште малку пармезан по желба. Добар апетит!
