Потребно:
- 1 кг брашно
- 1 свеж квасец или кесичка сув квасец
- 1 јајце
- 100 гр шеќер
- 1 чаша масло
- Малку сол
- 500 мл млеко
- Сок од половина лимон
- Џем по ваш избор
- Шеќер во прав за посипување
Подготовка: Млекото малку загрејте го, па во млакото млеко ставете го квасецот да нарасне. Во сад за матење сипете брашно, шеќер, масло, додадете го јајцето, сокот од половина лимон и млекото со додаден квасец и замесете тесто. Доколку е потребно, додадете брашно по малку. Покријте ја ванглата со крпа и оставете да нарасне. Кога ќе нарасне, ставете го на работната површина, малку замесете го и поделете го на три дела. Секој дел растенчето го со сукало во форма на правоаголник и премачкајте со џем. Завиткајте во ролат и ставете во тавче. Печете во загреана рерна на 200 степени околу половина час, во зависност од рерната. Жешката штрудла премачкајте ја со малку млеко и посипете со шеќер во прав. Добар апетит!
