Потребно:
- 500гр цреши
- 300гр шеќер
- 4 јајца
- 4 лажици гриз
- 1 лимон
- 100мл зејтин
- 8 листови кора за баклава
- ½ пакетче прашок за печиво
Подготовка: Изматете ги јајцата со 4 лажици шеќер, додадете го гризот и прашокот за печиво. Се добро нека се изедначи. Првата кора се намастува, па врз неа се става втора, која се премачкува со смесата од јајцата, и тоа обилно. Преку неа се става трета кора и таа се премачкува со смесата, па четврта. На почетокот од кората се редат половина од црешите. Се витка во ролна. Истото се повторува и со преостанатите 4 кори. Со остатокот од смесата со јајца се премачкуваат ролатите. Се печат на 200 степени, околу 40-45 минути. Преостанатиот шеќер се става на тивок оган да се растопи со малку вода и во него се додава линомот исечен на кругови. Но, не треба да се добие карамелизирана смеса, туку доволно е само убаво да се растопи шеќерот. Топлата пита се прелива со сирупот и се остава да впие.
