Потребно:
- 2 парчиња пилешко бело месо
- 200гр сув врат
- 200гр кашкавал
- 2 лажици сенф
- 2 јајца
- 1 кисела павлака
- 1 лажица презла
- Сол
- Бибер
Подготовка: Белото месо исечете го на шницли, исчукајте ги и наросете ги со сол и бибер. Сад со димензии 20х20цм малку намастете го, ставете презла, па ставете ги шницлите. Потоа премачкајте ги со сенг, ставете го ренданиот кашкавал, врз него ставете го сувиот врат, па повторно сенф и кашкавал. Постапката повторете ја уште еднаш. Изматете ги јајцата со павлаката, премачкајте ја бајадерата и печете 30 минути на 200 степени. Оставете солената бајадера малку да се олади, за подобро да се сече, а и повкусно е.
