Потребно:
За тестото:
- 2 јајца
- 200мл кисела вода
- 200мл јогурт
- 50мл масло
- ½ кесичка прашок за печиво
- ½ лажичка сол
- 250гр пченкарно брашно
- 150гр обично брашно
За филот:
- 100мл масло
- 1 страк праз
- 300гр исчистен спанаќ
- 1 лажица сув зачин
- 1 јајце
- 20гр кравјо сирење
Подготовка: Изматете ги јајцата, додадете го јогуртот, киселата вода, солта и маслото и убаво измешајте. Соединете ги двата вида брашно со печивото. Во масата со јајцата, лесно мешајќи додадете го брашното. Ќе добиете маса која со црпалка ќе ја ставите во подмачкано тавче. Ставете половина од подготвената маса. Подгответе го филот така што во тавче ќе загреете масло, па ќе го додадете празот исечен на кругви. Кусо пропржете, па додадете го спанаќот. Динствувајте 10 минути. Тргнете го од оган, па додадете го јајцето и сирењето. Тавчето со првиот слој тесто ставете го во загреана рерна и запечете 10 минути. Извадете го па врз тестото ставете го оладениот фил. Одозгора ставете ја останата половина од тестото. Пак вратете во рерна и печете на 200 степени уште 15 минути.
