Потребно:
- 200 гр брашно
- 1 прашок за печиво
- 1 лажичка сол
- 100 гр рендан кашкавал (гауда, чедар)
- 50 гр мешани семки (сончоглед, сусам, тиква, лен)
- 100 мл јогурт
- 50 мл масло (сончогледово или маслиново)
- 1 јајце
Подготовка: Во поголем сад ставете ги брашното, прашокот за печиво и солта. Добро измешајте. Додадете го ренданиот кашкавал и смесата од семки. Повторно измешајте за рамномерно да се распоредат сите состојки. Во садот со брашно и кашкавал додадете јогурт, масло и јајце. Сè убаво измешајте додека не добиете хомогена смеса. Ако смесата е премногу густа, додадете уште малку јогурт. Со лажица или раце формирајте мали топчиња и ставете ги на плех обложен со хартија за печење. Оставете малку простор помеѓу топчињата бидејќи тие малку ќе се рашират за време на печењето. Печете во загреана рерна на 180 °C 15-20 минути или додека грицките не добијат златно кафеава боја. Добар апетит!
