Потребно:
- 500 гр поголеми свежи печурки шампињони
- 100гр шунка
- 150гр рендан кашкавал
- 1 мал кромид
- 2 чешниња лук
- 1 лажица кисела павлака
- Маслиново масло
- Сол
- Црн пипер
Подготовка: Печурките исчистете ги, но не мијте ги и одвојте ги стеблата. Отстранете ја средината од печурката и зачувајте дел од извадената содржина. Празните печурки запечете ги во тавче околу 15 минути на температура од 180 °C. На половина од готвењето, исцедете ја водата од печурките и продолжете со печењето. Додека се печат печурките, подгответе го филот. Во тава пропржете ги кромидот и лукот, додајте ги стебленцата од печурките исечкани на ситни коцки и масата што сте ја извадиле од печурките. Динствувајте околу пет минути на силен оган. Додадете ја исечканата шунка и павлаката и оставете да се динствува уште пет минути. Додадете сол и бибер. Печурките кои се печени 15 минути наполнете ги со подготвената смеса и посипете ги со рендан кашкавал. Важно е да ја извадите целата вода од печените печурки пред да ги наполните со смесата. Печете кратко во рерна додека кашкавалот не се растопи и добие убава златна боја. Добар апетит!
