Потребно:
- 500 мл млеко
- 500 мл павлака за шлаг
- 12 лажици густин
- 1 ванилин шеќер
- 10о гр чоколадо за готвење
- 100 гр бело чоколадо
- 4 лажици шеќер
- Кутија пишкоти
Подготовка: Измешајте ги млекото и павлаката за шлагот, па од таа количина одземете околу 2 дл, кои ќе ги измешате со густинот и шеќерот. Остатокот од течноста ставете да зоврие, додадете го разматениот густин. Варете 2-3 минути. Кремот поделете го на два дела. Во едниот дел измешајте ја ренданата чоколада за готвење и енергично мешајте додека не се растопи, а во другиот дел додадете ја белата чоколада и убаво измешајте. На дното од калапот за торта ставете ги пишкотите натопени во млеко, па веднаш премачкајте прво со темен, а потоа со бел крем. Ако сакате, можете да ги ставате наизменично, за подобар ефект. Оставете ја тортата во фрижидер добро да се излади. Добар апетит!
