Потребно:
Состојки за тестото:
- 20 гр свеж квасец (или кесичка сув)
- 2-3 лажици топла вода
- 1 лажичка шеќер
- 300 гр пченично брашно
- 1 лажичка сол
- 2-3 лажици маслиново масло
- 200 мл топла вода
Состојки за филот:
- 200 мл благ кечап
- 200 гр рендан кашкавал
- 200 гр шунка, исечкана на тенки парчиња
- 80 гр печурки
- 1 пиперка
- 6 црни маслинки
Подготовка: Растворете го квасецот во малку топла вода, додадете шеќер и оставете да отстои околу пет минути на топло место. Во брашното додадете сол, масло, растворениот квасец и замесете меко тесто. Оставете го покриеното тесто да нарасне на топло место додека не се удвои во волумен (околу 30 минути). Нараснатото тесто развлечете го до големината на калапот (2 тркалезни калапи или 1 оригинален плех од рерна). Намачкајте го тестото со кечап и посипете со кашкавал. Над тестото распоредете ја шунката, печурките исечени на листови, пиперката исечена на стапчиња и маслинките. Печете ја пицата околу 10 минути на температура од 250 степени. Добар апетит!
