Потребно:
За 4 лица
- 800гр спанаќ
- 1 страк праз
- 350гр мелено месо
- 2 чешниња лук
- Сув зачин
Подготовка: Спанаќот убаво измијте го и исчистете го од рачките. Празот ситно исчекајте го и ставете го во тенџерето каде ќе ја правите манџата. Пржете го кусо па додадете ги иситнетиот лук. Додадете го и меленото месо, сув зачин и се заедно пржете околу 15-20 минути. Потоа додадете го исечканиот спанаќ и налејте вода да го покрие спанаќот. На тивок оган оставете да се вари половина час. Неколку минути пред крај, во половина чаша вода растворете 1 лажица брашно и додадете во манџата. Исклучете ја ринглата и ручекот е готов.
