Потребно:
За тестото:
- 150 гр путер
- 100 гр чоколадо
- 4 јајца
- 120 гр шеќер
- 120 гр брашно (тип 1050)
- 1 лажичка цимет
- 20 гр какао
- 80 гр сечкани ореви
- 2 лажички сода бикарбона
За филот:
- 200 г џем од кајсии
За глазурата:
- 100 мл слатка павлака
- 100 г чоколадо
Подготовка: Растопете го путерот и чоколадото на тивок оган или на пареа, а потоа оставете го да се олади. Изматете ги јајцата со шеќерот додека не станат пенасти и лесни. Додадете ја изладената чоколадна смеса, промешајте. Додадете брашно, цимет, какао, сода бикарбона и сечкани ореви, а потоа нежно измешајте сè со шпатула. Истурете ја смесата во намастен и набрашнет калап. Печете на 180°C околу 25 минути, проверете со чепкалка за заби – треба да излезе сува. Кога колачот ќе се олади, исечете го на два дела и премачкајте го со џем од кајсии. Загрејте ја павлаката до зовривање, тргнете ја од оган, додадете го чоколадото и мешајте додека не добиете мазна глазура. Прелијте ја глазурата врз колачот и оставете ја да се стегне. Добар апетит!
