Потребно:
- 250 гр шпагети или друг вид тестенини по избор
- 4-6 чешниња лук
- 1/2 мала шолја маслиново масло
- Прстофат лути чили снегулки (или мелена лута пиперка)
- Свеж сечкан магдонос
- Сол
- Пармезан (по желба)
Подготовка: На шпоретот ставете големо тенџере со вода и оставете да зоврие. Посолете ја водата и варете ги тестенините според упатствата на пакувањето. Додека се варат тестенините, загрејте го маслиновото масло во тава на средна топлина. Додадете го тенко исечениот лук и чилито. Пржете ги неколку минути додека лукот не стане малку златен и пиперчињата не ја испуштат својата арома. Внимавајте лукот да не потемни или изгори. Кога тестенините ќе се сварат, исцедете ги, но чувајте дел од водата за готвење. Во тавата со лукот и маслото додадете ги исцедените тестенини. Добро измешајте за да се обложат тестенините со маслото и аромите. Доколку е потребно, додадете малку од водата каде се вареле тестенините за да му дадете кремаста текстура на сосот. Послужете ги тестенините “aglio e olio“ наросено со свежо сечкан магдонос и по желба рендан пармезан. Добар апетит!
