Потребно:
За пестото:
- 75 гр ореви
- Прстофат сол
- 120 гр рикота
- 1 лимон (рендана кора)
- 1 чешне лук
- 2 лажички сечкано оригано
- 60 гр пармезан
- 60 мл маслиново масло
- Црн пипер
И уште:
- 450 гр тестенини по избор
- Пармезан за посипување
- Ореви за посипување
Подготовка: Оревите распоредете ги на плех и малку потпечете ги 6 до 8 минути во рерна загреана на 180 степени. Оставете ги да се изладат, па исечкајте ги. Во сад измешајте ги оревите, рикотата, кората од лимон, лукот, ориганото и ренданиот пармезан. Додадете го маслото и мешајте додека не добиете изедначена смеса. На крајот зачинете со сол и бибер. Сварете ги тестенините додека не бидат ал денте и оставете малку од водата за готвење, која потоа ќе ја измешате во пестото. Префрлете ги тестенините во садот со пестото и енергично мешајте околу две минути, додека сè добро не се соедини. Послужете во чинии и посипете ги тестенините со пармезан и ореви. Добар апетит!
