Потребно:
- 2 тиквички
- 2 чешниња лук
- 1 кромид
- 1 пиперка
- 1 лута пиперка
- 1 чаша грчки јогурт
- Млад кромид
- 1 китка копар
- 100 гр сирење по желба
Подготовка: Во тавче со малку масло пропржете ги претходно исечканите тиквички, а потоа додадете го ситно сечканиот кромид и иситнетиот лук. По околу 5-6 минути додадете ја ситно сечканата пиперка и измешајте. Потоа во тавата ставете ја целата лута пиперка која сте ја исечкале на неколку места. Зачинете по желба, па добро измешајте. Истурете го јогуртот, па измешајте. Преку него се посипува рендано сирење, па се додава сечкан млад кромид, како и копар. Сè добро измешајте. Гответе додека не почне да врие, а потоа извадете ја лутата пиперка и послужете. Добар апетит!
