Потребно:
За кората:
- 4 јајца
- 1 чаша шеќер
- 1 чаша млеко
- ½ чаша зејтин
- 1 чаша брашно
- 2 прашок за печиво
- 3 лажици какао
За филот:
- 1 ½ чаша млеко
- 1 чаша шеќер
- ½ чаша зејтин
- 3 лажици какао
За декорација:
- Кокос
Подготовка: Изматете ги јајцата со шеќерот, па додадете го млекото и зејтинот. Измешајте, па додадете го брашното, прашокот за печиво и какаото. Се убаво соединете. Смесата ставете ја во намастено тавче и печете на 170 степени, околу 25-30 минути. Во тенџере ставете го млекото, шеќерот, зејтинот и какаото. Варете додека не проврие, повремено мешајќи. Извадете го колачот од рерна и исечете го на коцки, па со чепкалка избодете на неколку места. Прелијте со филот и оставете да отстои 10-тина минути. Декорирајте со кокос.
