РЕЦЕПТ НА ДЕНОТ: Уштипци без капка масло

Доколку сакате полесна верзија на традиционалните уштипци, овој рецепт без пржење е идеален избор. Меки, воздушести и совршени со солени или слатки додатоци - овие уштипци ќе ве освојат. Печени во рерна, ја задржуваат воздушестата текстура и крцкавата кора, а со вашите омилени намази ќе станат нов омилен појадок или вечера.

Потребно:

  • 500 гр брашно
  • 1 кесичка прашок за печиво
  • 5 лажички масло
  • 1 лажица сол
  • 1 кесичка сув квасец
  • Млака вода по потреба

Подготовка: Сите состојки се додаваат во просеаното брашно и постепено со додавање на млака вода се замесува компактно и нелепливо тесто – ниту премногу тврдо, ниту премногу меко, слично на тестото за пита. Намачкајте го со малку масло и оставете го покриено да одмори околу 20 минути. На набрашнета површина развлечете го тестото со дебелина од 1 сантиметар, па исечете го во саканите форми. Печете ги уштипците во загреана рерна на 200 °C додека не поруменат. Послужете ги со крем, кајмак, паштета, шунка или сладок намаз по избор. Добар апетит!

ПОВРЗАНИ НАПИСИПОВЕЌЕ ОД АВТОРОТ