Потребно:
За 4 лица
- 5 тиквици (средна големина)
- 500гр мелено месо
- 1 лромид
- 3 чешниња лук
- Сушени или свежи зачини: босилек, оригано, мајчина душица
- 5 лажици доматно пире
- 200мл вода
- 40гр пармезан
- Маслиново масло
- Сол
- Бибер
Подготовка: На маслиновото масло запржете го исечканиот кромид и по 5 минути додадете го исечканиот лук. За кусо време додадете го месото и полека со вилушка иситнете го. Измешајте и по 5-7 минути додадете го доматното пире, зачините и водата. Оставете да се динствува на ниска температура околу половина час. За тоа време на половина исечете ги тиквиците по должина. Издлабете ги со лажиче. Во сад за печење ставете ги половинките тиквици, посолете ги и наросете ги со маслиново масло. Ставете ги во претходно загреана рерна на 200 степени и печете ги 15-30 минути додека не омекнат и попримат златна боја. Се ова може да подготвите и еден ден однапред и да го чувате готово во фрижидер. Пред јадење, загрејте ја рерната на 180 степени, тиквиците наполнете ги со месниот сос и наросете пармезан. Ставете ги во рерна 7-8 минути пред послужување. На здравје.
