Потребно:
- 1 карфиол
- 2 парчиња лимон
- 2 ловорови листови
- 100 гр путер
- 1 кромид
- 250 гр печурки
- 2 чешниња лук
- 200 мл неутрална павлака за готвење
- Малку морско оревче
- 50-100 гр пармезан
- 200 гр кашкавал по избор
- 2 лажици јогурт или павлака
- 1 лажичка димен црвен пипер
- 200 гр сланина
- Магдонос
Подготовка: Карфиолот исечете го на цветови, ставете го во сад и прелијте го со врела вода. Додадете 2 кришки лимон, како и ловоров лист. Добро измешајте и оставете кусо да се бланшира. Потоа во тавче растопете го путерот и пропржете го ситно исечканиот кромид. Кога ќе омекне, додадете ги исечканите печурки, а кога ќе добијат златна боја прелијте со неутралната павлака. Зачинете со сол и бибер, а кога сосот ќе почне да врие, додадете ситно сечкан лук и морско оревче. Додадете пармезан и измешајте. Оставете на шпорет уште 5 минути, па добро измешајте. Изрендајте го кашкавалот и измешајте го со јогуртот или павлаката и мелениот пипер, па сè убаво измешајте. Карфиолот процедете го, па наредете го во огноотпорен сад подмачкан со масло, одозгора премачкајте со сосот од печурки, па со сосот од кашкавал, па посипете со сечканата сланина. Печете во загреана рерна на 180°C околу 20 минути. Готовото јадење наросете го со свеж сечкан магдонос. Добар апетит!
