Потребно:
- 10 компири
За бешамел сосот:
- 1,5 лажици путер
- 2 лажици брашно
- 310 мл млеко
- 200 мл крем за готвење
- 1 чешне лук, многу ситно сечкано
- Сол
- Црн пипер
- Мешавина од суви зачини по вкус
Подготовка: Излупете ги и измијте ги компирите, исечете ги на тенки парчиња и ставете ги во сад за печење. Во посебна тава се става путерот и се растопува, па се додава брашното, се пропржува малку и се меша млекото и павлаката за готвење. Потоа додадете го лукот и другите зачини, промешајте и оставете да зоврие, па прелијте ги компирите. Ставете да се пече во загреана рерна на 200 степени додека убаво да поруменат. Кога е испечено, по желба посипете со рендан кашкавал и вратете го јадењето во рерна неколку минути. Добар апетит!
