Потребно:
- 400гр макарони
- 300гр свежи шампињони
- 200гр мисиркина шунка
- 150гр димена сланина
- 200гр сирење
- 200гр кашкавал
- Кечап
- Малку маргарин
- По желба зачин оригано
За преливот:
- 2 јајца
- 1 чаша јогурт (или павлака за готвење)
- Малку сол
Подготовка: Макароните сварете ги во солена вода, и измијте ги со ладна вода. Додадете ја на коцки исечканата шунка, сланината, издробеното сирење, малку кечап и оригано. На малку масло издинствувајте ги свежи шампињони, исечкани на тенки листови, малку посолете ги и додадете го во мешавината со макароните. Се добро соединете и смесата префрлете ја во огноотпорен сад, претходно премачкан со малку маргарин. Повторно врз смесата додадете малку кечап и половина од изренданиот кашкавал. Изматете ги јајцата со јогуртот или павлаката за готвење, посолете и прелијте преку кашкавалот. Врз тоа ставете го останатиот дел од кашкавалот. Наросете со малку оригано. Печете во загреана рерна на 200 степени, околу 20 минути.
