Потребно:
- 800гр свежи шампињони
- 150гр панцета
- 1 кромид (поголем)
- 1 лажица сув зачин
- 1 чешне лук
- 1 лажичка мелен црвен пипер
- 1 лажица брашно
- 200мл павлака за готвење
- 100гр рендан пармезан
- 1 лажица путер
Подготовка: Шампињоните исчистете ги и исечкајте ги на листови. Во тавче кусо пропржете ја панцетата исечена на коцки, додадете го ситно исечканиот кромид, додадете сув зачин и лук и оставете да се динствува 4-5 минути. Додадете ги шампињоните и оставете да се динствува се заедно додека течноста не се намали, околу 5-7 минути. Додадете го црвениот пипер и брашното и промешајте. Додадете ја павлаката за готвење и половина од количината на пармезан. Подготвените печурки префрлете ги во огноотпорен сад, наросете со остатокот од пармезанот и наредете тенки парчиња путер. Печете во загреана рерна на 200 степени, околу 15 минути. Послужете топло со пире од компири. Добар апетит!
