![3](https://pedijatar.mk/wp-content/uploads/2024/06/3-1-696x522.jpg)
Потребно:
- 1 л. млеко
- 2 чешниња лук
- 500 гр тестенини по избор
- 350 гр брокула
- 75 гр путер
- 75 гр брашно
- 200 гр рендана гауда
- Сол
- Црн пипер
Подготовка: Тестенините варете ги три минути помалку отколку што пишува на упатството на пакувањето. Две минути пред крајот на готвењето додадете ја брокулата што сте ја исечкале на парчиња. На путер пропржете го брашното неколку минути и додадете го ситно сечканиот лук со постојано мешање. Залејте со загреаното млеко и мешајте со жица за да не се формираат грутки. Гответе 5 минути. Вклучете ја рерната да се загрее на 200 степени. Сварените тестенини и брокулата измешајте ги во сосот, посолете и побиберете. Ставете се во огноотпорен сад за печење и посипете со рендана гауда. Печете половина час и послужете додека е топло со зелена салата. Добар апетит!