РЕЦЕПТ НА ДЕНОТ: Земички од тапиока со намаз од морков и лук

Децата генерално сакаат леб и пецива од бело брашно. Промената на прехранбените навики кај нив не е едноставна, но риготвувајќи ваков рецепт за вкусни земички од тапиока брашно, на кои никој не може да оддолее, полека ќе напредувате во намерата. И намазот и земичките се едноставни за подготовка, а се здрав и вкусен избор за појадок или вечера, но и како прилог за ручек. 

Потребно:

За земичките (9 мали)

  • 1 јајце
  • 175гр брашно од тапиока
  • 80мл маслиново масло
  • 160мл млеко
  • 65гр рендан кашкавал по избор
  • 1 лажичка сол

За намазот:

  • 4 големи моркови
  • 4 чешниња лук
  • 80мл маслиново масло
  • Зачини по желба 

Подготовка:

ЗЕМИЧКИ: Рерната вклучете да се загрее на 200 степени. Во подлабоко тавче ставете ги маслиновото масло, млекото и солта на оган да зовријат. Штом почнат да вријат, тргнете ги од оган и во нив измешајте го брашното од тапиока. Оставете смесата да отстои 15 минути. Потоа додадете го разматеното јајце и кашкавалот и добро замесете да се добие еднолична смеса. Формирајте топчиња и редете ги во тава, која претходно сте ја обложиле со хартија за печење. Печете 25 минути или повеќе, зависно од големината на топчињата.

НАМАЗ: Во загреана рерна на 200 степени, ставете да се печат морковот исечкан на тенки кругови и лукот, врз кои сте со излиле маслиновото масло. Оставете да се печат 60 минути. Потоа, ставете ги состојките во блендер, додавајќи малку вода. Мешајте додека не добиете еднолична смеса. Додадете зачини по желба.

ПОВРЗАНИ НАПИСИПОВЕЌЕ ОД АВТОРОТ