Потребно (за 20 парчиња):
- 1кг помалку масно мелено месо
- 120гр лебни трошки
- Еден голем морков – ситно рендан
- Една голема тиквичка – ситно рендана
- Едно јајце
- 20гр путер
- Една главица кромид – ситно исечкан
- Сол, бибер, мајчина душица или зачини по избор
Подготовка: Во тавче загрејте го путерот и пропржете го кромидот додека не омекне. Во сад за мешање, ставете го месото, лебните трошки, зеленчукот, јајцето, испржениот кромид и зачините. Се добро измешајте додека не добиете компактна смеса. Доколку смесата е потечна, слободно може да додадете уште лебни трошки. Подготвената сместа ставете ја во фрижидер да отстои еден час. Тава оболожете ја со хартија за печење. Намастете ги рацете и формирајте ќофтиња. Редете ги ќофтињата во тавата. Печете ги на 200 степени, во загреана рерна, 20-30 минути додека не поруменат. Се служат топли со омилениот доматен сос, а може и во комбинација со свежа салата.
