РЕЦЕПТ НА ДЕНОТ: Зимски десерт во чаша

Додека многмина во текот на зимата, поради недостаток на свежо овошје, избираат претежно рецепти за колачи или други десерти на база на чоколадо и јаткасти плодови, ние ви носиме малку поинаков, но многу вкусен и едноставен рецепт за зимски колач. Се прави во чаша, што го прави лесен ефектен десерт, а бидејќи е на база на овошје, круша или јаболко, е природно сладок.

Потребно:

  • 2 јаболки или круши
  • 1 лажица шеќер
  • 1 лажичка цимет
  • 1 пудинг од ванила (сварен во 500 мл млеко)
  • 100 г бисквити

Подготовка: Излупете го овошјето, отстранете ги семките и исечете го на коцки од 1 см. Ставете го во тенџере со шеќер и цимет и гответе 5-7 минути додека не омекне. Грубо издробете ги бисквитите. Наредете слој бисквити, слој топло овошје и слој пудинг во чашите. Повторете ги слоевите. Сервирајте топло или целосно изладено. Добар апетит!

ПОВРЗАНИ НАПИСИПОВЕЌЕ ОД АВТОРОТ