Луѓето со цревни нарушувања може да бидат изложени на поголем ризик од развој на Алцхајмерова болест (АБ).
Студијата на Универзитетот Едит Кауан (ECU), која е прва од ваков вид во светот, ја потврди врската помеѓу цревните нарушувања и зголемениот ризик од Алцхајмерова болест, што може да доведе до порано откривање на болеста и нови можни терапии за истата.
Тимот на ECU открил дека луѓето со Алцхајмерова болест и цревни нарушувања имаат заеднички гени, што е важно од многу причини
Алцхајмеровата болест го уништува памтењето и способноста за размислување и е најчеста форма на деменција. Не постојат познати терапии за лекување и се очекува да влијае на повеќе од 82 милиони луѓе и да предизвика трошоци од 2 трилиони американски долари до 2030 година.
Претходните опсервациски студии сугерираа врска помеѓу Алцхајмеровата болест и гастроинтестиналните нарушувања, но до сега не беше јасно што ги поткрепува овие односи. Центарот за прецизно здравје на ECU (ECU’s Centre for Precision Health) сега обезбеди нови сознанија за овие односи со потврдување на генетската врска помеѓу Алцхајмеровата болест и повеќекратните цревни нарушувања.
Студијата анализирала големи групи на генетски податоци од АБ и неколку студии за цревни нарушувања, секоја од околу 400.000 луѓе. Водачот на истражувањето д-р Емануел Адевуи рече дека тоа е прва сеопфатна проценка на генетската поврзаност помеѓу АБ и повеќекратните цревни нарушувања.
Тимот на ECU открил дека луѓето со АБ и цревни нарушувања имаат заеднички гени, што е важно од многу причини.
„Студијата дава нов увид во генетиката која стои зад забележаната истовремена појава на АБ и цревните нарушувања. Ова го подобрува нашето разбирање за причините за овие состојби и идентификува нови цели за истражување за потенцијално да се открие болеста порано и да се развијат нови терапии за обете врсти на овие состојби, рече д-р Адевуи.
Директорот на Центарот за прецизно здравје на ECU и супервизор на студијата, професор Сајмон Лоус, рече дека иако студијата не заклучила дека цревните нарушувања предизвикуваат Алцхајмерова болест или обратно, нејзините резултати се неизмерно вредни.
„Овие наоди обезбедуваат дополнителни докази за поддршка на концептот на оската „варење-мозок“, двонасочна врска помеѓу когнитивните и емоционалните центри на мозокот и функционирањето на цревата, рече професорот Лоус.
Дали холестеролот е клучот?
Кога истражувачите спровеле понатамошна анализа на заедничката генетика, откриле други важни врски помеѓу Алцхајмеровата болест и цревните нарушувања, како што е улогата што холестеролот што може да ја има во тоа. Д-р Адевуи рече дека абнормалните нивоа на холестерол се покажале како ризик и за развој на Алцхајмерова болест и за цревни нарушувања.
Студијата дава нов увид во генетиката која стои зад забележаната истовремена појава на АБ и цревните нарушувања. Ова го подобрува нашето разбирање за причините за овие состојби и идентификува нови цели за истражување за потенцијално да се открие болеста порано и да се развијат нови терапии за обете врсти на овие состојби
„Набљудувањето на генетските и биолошките карактеристики што ги споделуваат АБ и овие цревни нарушувања укажува на силна улога на липидниот метаболизам, имунолошкиот систем и лековите за намалување на холестеролот. Иако се потребни дополнителни истражувања за заедничките механизми помеѓу состојбите, постојат докази дека високиот холестерол може да се пренесе на централниот нервен систем, што резултира со абнормален метаболизам на холестерол во мозокот“, рече Адевуи.
Исто така, постојат докази кои сугерираат дека абнормалните липиди во крвта може да бидат предизвикани или влошени од цревните бактерии (H.pylori), а сето тоа ја поддржува потенцијалната улога на абнормалните липиди во АБ и цревните нарушувања. На пример, зголемениот холестерол во мозокот е поврзан со дегенерација на мозокот и последователно когнитивно оштетување, додава тој.
Алцхајмеровата болест го уништува памтењето и способноста за размислување и е најраспространета форма на деменција. Не постојат познати терапии за лекување, а се очекува да влијае на повеќе од 82 милиони луѓе и да предизвика трошоци од 2 трилиони американски долари до 2030 година
Идни терапии
Врската со холестеролот може да се покаже како витална во третманот на АБ во иднина. Иако во моментов не постојат познати лековити третмани, наодите на студијата сугерираат дека лековите за намалување на холестеролот (статини) може да бидат терапевтски корисни и во третманот и на АБ и на цревните нарушувања.
„Доказите покажуваат дека статините имаат својства кои помагаат да се намали воспалението, да се модулира имунитетот и да се заштитат цревата“, рече д-р Адевуи. Тој, сепак, додаде дека има потреба од дополнителни студии и дека пациентите треба да се проценуваат индивидуално за да се процени дали ќе имаат корист од употребата на статини.
Истражувањето исто така покажа и дека начинот на исхрана може да игра улога во лекувањето и спречувањето на Алцхајмеровата болест и цревните нарушувања. (EurekAlert)
