Мајката Дани Бинингтон, инструкторка по јога одлично знае дека легнувањето на децата во кревет на спиење може да се претвори во хаос. Навечер сите имаме помалку енергија и трпение, а токму тивките вечери кај децата понекогаш ги извлекуваат грижите и тешките емоции кои ги следеле во текот на денот. За смирување на децата, таа ја препорачува техниката mindfulness, која успешно ја користи за нејзините три ќерки, во тешките моменти пред спиење.
Напушти го својот балон (смирувачка визуелизација)
Удобно сместете се во креветот, затворете ги очите и почувствувајте љубов и сигурност. Замислете дека дувате балон при секое издишување. Можете да го надувате колку сакате, можете да му дадете боја или повеќе бои. Вдишете длабоко, па со издишаниот воздух дувајте во вашиот замислен балон.
Кога балонот ќе стане доволно голем, тој че одлета високо и ќе ве однесе со себе. Дува слаб ветер и балонот ве носи по воздухот. Поминувате покрај врвовите на дрвјата и и можете од висина да ја видите вашата куќа и улица. Полека балонот почнува да се спушта и ќе слета таму каде што многу сакате да бидете во моментов. Нека слета на вашето омилено место. Тоа може да биде вашата соба, фотелја кај баба и дедо или некое друго место.
Сега кога сте таму каде што сакате да бидете, поканете ја вашата омилена личност да дојде да игра со вас, а вие изберете која игра да ја играте. Никој не треба ништо од тебе сега, не треба да бидеш на друго место. Само бидете тука, на вашето омилено место, со вашата омилена личност и играјте ја омилената игра, колку што сакате. Замислете го тоа.
- Совет за родителите
Со оваа вежба можете да бидете креативни колку што сакате. Оваа техника им помага на децата посвесно да дишат и да се чувствуваат пријатно во замислувањето на своите омилени ситуации. Дани препорачува вежбата да ја испробате со деца постари од 4 години.
