Во Бразил е родено бебе тешко 7,3 кг. Дваесет и седумгодишната Клеидијана Сантос дос Сантос го родила синот Анџерсон на 18 јануари со царски рез. Таа била хоспитализирана во болницата „Падре Коломбо“ во Паринтинс на рутинска консултација, но лекарите потоа сфатиле дека бебето е преголемо за мајката да го носи до полниот термин, па ја породиле со царски рез.
Лекарите рекоа дека неговата големина е веројатно поврзана со состојбата на дијабетес на неговата мајка
Анџерсон е во инкубатор, тежок е 7,3 килограми и долг 59 сантиметри, и се верува дека е најголемото бебе родено во Амазонас, една од 26-те сојузни држави во Бразил. И мајката и детето се во добра здравствена состојба, пишува „Дејли мејл“.
Анџерсон има помалку од една недела, но има потреба од облека за едногодишно дете.
Лекарите рекоа дека неговата големина е веројатно поврзана со состојбата на дијабетес на неговата мајка.
Во Бразил рекордот за најголемо бебе го држи Адемилтон дос Сантос, кој е роден со царски рез во 2005 година. Тој тежел 8 килограми. Најголемото бебе кое било родено воопшто е Ана Бејтс. Станува збор за девојче тешко 10,2 килограми, кое е родено во Италија во 1955 година.
