![8](https://pedijatar.mk/wp-content/uploads/2020/07/8-1-696x476.jpg)
Истражувањата покажуваат дека дури 95% од тинејџерките се на диета или мислат дека не се доволни згодни и со совршено тело, поради што нивото на самодоверба им е многу ниско. Стручњаците велат дека овој тренд е присутен во сите земји, и девојчињата во желбата да бидат што послаби, претеруваат и го доведуваат во опасност своето здравје.
Анорексија е пореметување на исхраната кое се карактеризира со многу ниска телесна тежина, страв од дебелеење и искривена прецепција за тежината. Најчесто се јавува во пубертетот или кај младите адолесцентки. Доколу забележите симптоми кај вашето дете, многу е важно веднаш да побарате лекарска помош.
Доколку се грижите дали вашето дете е на прагот на овој сериозен проблем, присетете се колку килограми до неодамна имало. Ако таа бројка денес отстапува за повеќе од десет, тоа значи дека шансите се големи да се сочува со анорексија.
Некои од воочливите симптоми, покрај губењето на килограми се: бледожолта боја на лицето, исцрпеност, опстипација (запек) и чувство на безволност.
Главно детето одбива ручек, пронаоѓајќи “добри“ изговори – веќе јадев надвор, ме боли глава или не ми се допаѓа јадењето. Ним, практично јадењето почнува да им се гади. Неретко и сами доаѓаат до лаксативи, кои се сериозна опасност, и постојано се премеруваат во обем и ја мерат телесната тежина.
Кога состојбата дополнително ќе се искомплицира, девојчињата запаѓаат во депресија и може целосно да се осамат и да се повлечат од друштвото. Притоа, организмот веќе е исцрпен и дехидриран, а со секое ново повраќање или дијареа (од лаксативите) дополнително е нападнат.
“Податоците покажуваат дека трендот на слаба фигура е исклучително агресивен и не бира ‘мета’, па е важно мајките да ги следат ќерките и штом забележат дека намалуваат килограни и одбиваат да јадат, да поразговараат со нив. Ако и после ова нема напредок, треба да се побараат стручна помош“, советуваат лекарите.