За многумина, нема Божик без празничен џемпер. Но, ако имате дете склоно на алергии, треба да бидете внимателни, предупреди експертот за нега на кожа Рида Сајед. Според Daily Mail, некои деца воопшто не треба да носат плетива, трикотажа, а може да им пречи и гушкањето луѓе облечени во синтетички ткаенини.
“Луѓето кои страдаат од егзема имаат кожа која не задржува многу влага, па затоа е сува. Оваа состојба може да предизвика чешање, болка и чувствителност на кожата, а тригерите може да вклучуваат хормони, стрес, одредени материјали – најчесто синтетички и волна. Иритацијата може да предизвикаат дури детергенти и омекнувачи за алишта“, вели таа.
Сајед советува да избегнувате божикни џемпери ако вашето дете е склоно кон атопичен дерматитис, една од најчестите форми на егзема.
„Проверете ги етикетите на џемперот за да бидете сигурни дека материјалот е безбеден за детето“, додава таа.
Иако атопичниот дерматитис обично се развива пред првиот роденден на детето, тој може да се манифестира и кај возрасните.Обично станува збор за долгорочна состојба која може да се подобри како што старееме.
“Кога ќе се појави чешање, важно е да се ублажи бидејќи чешањето може да предизвика крварење на кожата и да го зголеми ризикот од инфекција и лузни. Се препорачува да се изберат памучни материјали”, заклучува таа.
