Растењето и воспитувањето на ментално силно дете не значи дека детето нема да плаче кога е тажно или дека понекогаш нема да доживее неуспех. Напротив, менталната сила на детето не го прави имун на животните неволји и не се сведува на потиснување на неговите емоции. Како што објаснува психологот Ејми Морин, ментално силно дете полесно ќе се опорави од доживеаниот неуспех и пречките што се пред него.
Исто така, голема улога во растењето на ментално силни деца имаат и родителите кои, како што објаснува, никогаш не прават одредени работи. Тоа го подразбира следново:
- Никогаш не одобруваат менталитет на жртва
- Кај детето никогаш не создаваат чувство на вина
- Не се фокусираат само на детето
- Не дозволуваат стравот да влијае на нивните одлуки
- Не му ја задоволуваат секоја желба на детето
- Не бараат од детето да биде совршено
- Бараат од детето да преземе одговорност за своите постапки
- Не претеруваат со заштитата на детето
- Не го спречуваат детето понекогаш да згреши или да донесе погрешна одлука
- Не го казнуваат, ниту емоционално го уценуваат детето
- Не го избегнуваат чувството на нелагодност кај детето
- Не преземаат одговорност за секоја детска емоција
- Не забораваат да го поттикнат чувството на благодарност кај детето.
